Hoxe é Martes 16 de Agosto de 2022
Stations
NOTHING FOUND!
Current listeners: 
Peak listeners: 

Ciclo de cine a cargo do Colectivo republicano

RR_Noticias

Ao longo do mes de xuño proxectarán no multiusos da Xunqueira catro películas de temática política e social. A primeira das citas hoxe venres ás 21 horas coa cinta “O meu nome é Luís Ferrreiro” dos directores Roi Cagiao e Fernando Llor. Seguiranlle os títulos “As silenciadas”, “Voces de Mozambique” e “23”.

Ás 21:00 horas de hoxe no Multiusos da Xunqueira poderase ver a película “O meu nome é Luís Ferreiro”, un traballo no que se aborda a acción de loita antifranquista durante a ditadura a través da figura deste militante comunista nacido en 1939 e que desenvolveu gran parte da súa actividade en Vigo.
O resto das películas enmarcadas neste ciclo proxectaranse en xoves. Así, o día 14 será a quenda de “As silenciadas” de Pable Ces, unha investigación realizada pola profesora Aurora marco sobre as guerrilleiras galegas, mulleres dobremente esquecidas. Xa o día 21 o traballo conxunto de Susana Guardiola e Françoise Polo “Voces de Mozambique” achegará aos multiusos a voz das mulleres africanas que loitan diariamente por activar o desenvolvemento de África. Cinco historias que representan o ciclo da vida da muller.
O último dos títulos previstos é “23” unha cinta baixo a dirección de helena Billares que parte da noite do 23 de febreiro de 1981 e da situación e o momento que na data do golpe de estado están a vivir 23 personaxes, a que se recupera 23 anos despois para ver como foron as súas vidas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará