Hoxe é Martes 11 de Maio de 2021

Charlas e sinaturas contra a lei de augas

RR_Noticias

A Plataforma Cidadá Contra a Autovía de inicia hoxe en Soutoxuste e Reboreda unha rolda de charlas informativas en colaboración con Comunidades de Augas, de Montes e Asociacións de Veciños co obxectivo de informar a cidadanía sobre o canón da auga e a Lei de Augas de Galicia. Unha actividade que se suma á campaña de recollida de sinaturas que están a desenvolver en diferentes puntos do concello.

A primeira as citas será esta tarde ás 18:30 horas no Chiringo de Soutoxuste e ás 20:30 horas na Sociedade labrego cultural de Reboreda. En ambas as dúas citas intervirá Manuel Docampo, membro do Sindicato labrego Galego.
Este calendario de charlas vense sumar á campaña de recollida de sinaturas que se está a desenvolver en diferentes puntos do municipio co gallo de amosar o rexeitamento
dos veciños a unha lei que cualifican de “manifestamente inxusta e antisocial” cuxa última intención é poñer “en mans de empresas privadas con ánimo de lucro un recurso fundamental como é a auga”.
Concretamente, a recollida de sinaturas estase a desenvolver en Centros Culturais, establecementos públicos e a través de diferentes comunidades de augas, unha sinaturas que serán presentadas nas diferentes institucións, entre elas o propio Concello de Redondela, solicitando que se opoñan a cobrar este canon. No mesmo sentido, estase a preparar unha moción que se presentará ao pleno do concello na que se reclamará dos grupos políticos o seu apoio para lle instar á Xunta a derrogación definitivas da lei “por ser unha agresión económica e social contra sectores da sociedade xa de por si deprimidos”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *