Hoxe é Sábado 5 de Decembro de 2020

Os consellos parroquiais de Vilar, Saxamonde e Negros comezarán a traballar no prazo dun mes

RR_Noticias

Así o confirmou a Concelleira de Participación Cidadá, Erminda Quella no pleno celebrado onte, no que compareceu a petición do BNG para dar explicacións de por que aínda non se constituíran estes órganos consultivos malia que así se acordase nun pleno celebrado sete meses atrás.

A edil engadiu que no resto das parroquias están tamén a traballar na constitución destes órganos consultivos. Unha explicación que a concelleira aportou en contestación ás críticas emitidas dende o BNG, cuxa voceira lembraba no pleno de onte que sete meses despois de que se acordase a creación destes órganos consultivos nas parroquias de Ventosela, Cedeira, Vilar, Cabeiro, Negros, Trasmañó, Cesantes, Quintela e Saxamonde, a estas alturas todos eles estaban inactivos. Unha inactividade que segundo a nacionalistas Cecilia Pérez Orge responde a que non se tivo contacto previo coas asociacións veciñais e acusou á responsable de participación de anunciar a súa creación de xeito precipitado “para poder ter un titular na prensa”. Erminda Quelle asegurou que si se produciran eses contactos previos e aproveitou para criticar a concelleira do BNG que segundo dixo “en todos os seus anos de goberno non foi quen de crear máis de tres Consellos Parroquiais”.  

Cecilia Perez Orge BNG
A nacionalista critica o atraso na constitución dos Consellos parroquiais
Erminda Quelle Participación Cidadá
A edil asegura que houbo contactos previos e que en breve se crearán todos os concellos previstos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *