Hoxe é Martes 16 de Agosto de 2022
Stations
NOTHING FOUND!
Current listeners: 
Peak listeners: 

A Xunta construirá beirarrúas en Pazos de Borbén

RR_Noticias

As obras afectarán ás parroquias de Amoedo, Pazos, Xunqueiras e Moscoso e están orzamentadas en 127.440 euros. A delegada territorial da Xunta en Vigo, María José Bravo Bosch, anunciou a licitación dos traballos que teñen un prazo de execución de 3 meses.

A delegada territorial da Xunta en Vigo, María José Bravo Bosch, trasladoulle ao alcalde de Pazos, Andrés Iglesias, da licitación das obras de construción de beiravías
que a Consellería de Medio Ambiente, Territorio e Infraestruturas vai a acometer nos núcleos de Xunqueiras, Moscoso, Pazos e Amoedo, todos eles pertencentes ao Concello de Pazos de Borbén.
Esta actuación beneficiará a preto de 3.200 veciños e veciñas do municipio de Pazos e
supón un investimento de 127.440 euros.
Segundo explicou Bravo Bosch, o aumento de poboación nos núcleos sinalados xustifica a construción de beirarrúas en zonas onde antes non eran necesarias co fin de resolver os problemas de tráfico peonil. Así, o presente proxecto describe as obras necesarias para a construción de beiravías así como as súas correspondentes canalizacións de pluviais sen alterar en absoluto o trazado nin o perfil dos viais existentes.
As beirarrúas dotaranse de pasos rebaixados para o uso de minusválidos e calquera outro carriño de manual de uso habitual (carritos de compra ou de bebés). Ao mesmo tempo procederase a anular as gabias de augas pluviais existentes repoñéndose a recollida de augas con un sistema de tubería de formigón e os seus correspondentes pozos de rexistro e sumidoiros.
As obras realizaranse sen necesidade de ocupación de terreos de titularidade privada, sempre se actuará en terreos de dominio público.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará