Hoxe é Sábado 6 de Marzo de 2021

Detido un veciño de Mos sospeitoso de dedicarse ao “vampirismo de gasóleo”

RR_Noticias

A detención produciuse a 1:30 da madrugada de hoxe na praza de Ribadavia. O mozo, de 24 anos de idade, está acusado dun quebrantamento de condea xa que ía ao volante dun BMW malia ter retirado o permiso de conducir ata novembro deste ano e é sospeitoso de dedicarse ao roubo de carburante de vehículos.

Os feitos producíronse a unha e media da madrugada de hoxe cando o mozo foi detido nun control conxunto da Policía Nacional e Local que se estaba a desenvolver na Praza de Rivadavia. Os axentes procederon a identificar ao condutor do BMW e logo de consultar os datos na oficina de tráfico atopáronse con que o mozo Luis Daniel S. C., de 24 anos de idade e veciño de Mos, tiña suspendido o permiso de conducir por orde xudicial ata o 25 de novembro deste ano.
No momento da detención atopouse no maleteiro do vehículo sete garrafas de plástico de 25 litros cada unha e unha goma de 1’50 metros de lonxitude, polo que se sospeita que o detido puidese dedicarse ao “vampirismo de gasóleo”, modalidade de roubo consistente en subtraer directamente cunha goma o combustible do interior do depósito dos vehículos.
O detido pasou a disposición xudicial acusado dun delito de quebrantamento de condena.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *