Hoxe é Domingo 17 de Xaneiro de 2021

O goberno destina 1’2 millóns para a rehabilitación do Viaduto de Madrid

RR_Noticias

O proxecto de rehabilitación, que se prolongará durante dous anos, prevé un investimento total de 6’1 millóns de euros, que permitirán devolver a estrutura ao seu estado orixinal logo de varios anos cuberta cunha rede para evitar desprendementos. A primeira achega xa recollida nos orzamento do estado deste ano ascende a 1’2 millóns de euros.

O goberno local amosou a súa satisfacción logo de coñecer a inclusión nos orzamentos xerais do estado dunha achega económica para a rehabilitación do Viaduto de Madrid. Unha achega que ascende a 1’2 millóns de euros e que se completará con novas partidas de 3’2 millóns no 2013 e 1’1 millóns no 2014. O investimento completarase con medio millón máis no ano 2015. O investimento total na recuperación desta infraestrutura ferroviaria acadará polo tanto os 6’1 millóns de euros. O voceiro do PP en Redondela, Alberto Pazos amosaba a satisfacción do goberno local por esta partida e explicaba que o 1’2 millóns que se recollen nos orzamentos deste ano destinarase a elaboración do proxecto e á adxudicación da obra que se desenvolverá xa o vindeiro ano Dende o goberno local apuntan que estas achegas responden ao compromiso das distintas administracións por dar resposta a unha das prioridades do equipo que lidera Javier Bas dende a súa chega á alcaldía.  

Alberto Pazos voceiro do PP
Confirma a achega dos orzamentos do estado
Elaboración do proxecto e licitación
A fase de realización da obra será no 2013

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *