Hoxe é Venres 27 de Novembro de 2020

O BNG convoca aos veciños a diferentes actos contra a reforma laboral

RR_Noticias

A tan so uns días da celebración da folga xeral convocada polos sindicatos contra a reforma laboral, dende o BNG poñen en marcha un calendario de actividades de cara a trasladarlle aos veciños a súa posición ante a reforma. A primeira das citas estes xoves no Multiusos ás 20:00 horas coa deputada Olaia Fernández Davila.
 

O BNG de Redondela inicia este xoves un calendario de actividades no concello contra a reforma laboral. A primeira das citas será unha concentración diante do Concello este xoves ás 19:30 horas convocada pola CIG. A continuación, ás 20:00 horas, terá lugar no Multiusos un acto aberto no que estará presente a deputada por Pontevedra no parlamento Olaia Fernández Davila, quen exporá aos asistentes a postura do partido nacionalista ante a reforma laboral.
O venres convocan tamén un acto informativo no Multiusos do Piñeiral do Crego en Chapela e fan un chamamento á cidadanía para que participen o sábado ás doce do mediodía nun acto protesta que terá lugar no Calvario e que contará coa presencia do Portavoz nacional do Bloque, Guillerme Vázquez.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *