Hoxe é Xoves 29 de Outubro de 2020

O agro como unha alternativa de autoemprego

RR_Noticias

A cooperativa Trespés organiza este sábado a xornada técnica “Agro e cooperativismo. Propostas e oportunidades”, unha actividade que se desenvolverá en Pazos de Borbén aberta a todas as persoas interesadas en coñecer as potencialidades do sector agro-gandeiro. Para poder participar na xornada débese realizar a inscrición no correo info@trespes.com ou no teléfono 986110045.

A celebración desta xornada, que contará coa participación de técnicos en desenvolvemento rural da Xunta de Galicia e da USC, así como de representantes de diferentes experiencias xurdidas en Galicia vinculadas á produción hortícola, explotación gandeira e aproveitamentos da biomasa, inxírese no marco do proxecto de investigación sobre as potencialidades da actividade agro-gandeira en Pazos que desenvolveu nos últimos meses a cooperativa Trespés en colaboración coa Consellaría de Traballo e Benestar e a Federación de Cooperativas Sinerxia. O proxecto, enmarcado nunha estratexia de promoción do cooperativismo, ten como obxectivo a realización dun estudo que contempla a análise da situación e expectativas de futuro do sector agro-gandeiro, explorar a existencia de persoas interesadas na actividade agraria e mostrar casos prácticos de experiencias de producións agrícolas e gandeiras no contexto galego. A través das actividades que se desenvolverán na xornada do sábado preténdese trasladar aos asistentes a idea de que a actividade agropecuaria é unha posibilidade real de emprego, poñendo o acento nas potencialidades do sector e trasladando aos asistente a existencia de experiencias do ámbito galego que están a funcionar e que se poderían trasladar ou ben dar orixe a outro tipo de proxectos na nosa contorna. Unha actividade gratuíta e aberta ao público en xeral que pode realizar a inscrición ben a través do correo info@trespes.com ou no teléfono 986110045. O programa da xornada pódese consultar no enderezo http://trespescoop.wordpress.com/

Paulo Jalonski Cooperativa Trespés
Explica cal é obxectivo da xornada e da análise do sector na actualidade
Experiencias concretas
Contarase con axemplos reais que están a funcionar
Público das xornadas
Está aberta ao público en xeral

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *