Hoxe é Luns 30 de Novembro de 2020

Bas non denunciou a Cecilia Pérez por consello dos seus avogados

RR_Noticias

O alcalde de Redondela Javier Bas renunciou a acudir aos xulgados, logo de que a voceira do BNG o acusara de “vender postos de traballo a cambio de votos”, porque os dous avogados aos que consultou lle advertiron que ningún xuíz admitiría a denuncia por tratarse de “acusacións emitidas en campaña electoral”.

Os feitos producíronse no debate electoral organizado pola Radio Municipal de Redondela no pasado mes de maio, pero volveron a actualidade logo de que a Agrupación de Electores lle solicitara ao alcalde que dera unha explicación á cidadanía sobre ese asunto. O edil de AER, Jorge Varela Chopi explicaba no pleno de onte que a gravidade das acusacións vertidas pola nacionalista Cecilia Pérez Orge esixían unha explicación xa que ou ben “alguén se aproveitou da súa posición para negociar votos por favores ou alguén utilizou a mentira e tentou enganar ao pobo para conseguir interese electorais.Javier Bas reiterou que as acusacións eran totalmente falsas pero que non acudiu aos xulgados logo de consultar a varios avogados que lle manifestaron a improbabilidade de que un xuíz admitira a trámite a denuncia tendo en conta que se trata de “acusacións non delitivas e permitidas en campaña electoral”.Con todo, asegurou que os feitos demostran que ditas acusacións eran falsas xa que dende a súa chegada a alcaldía “todas as contratación se fixeron con total transparencia” e que no goberno ninguén contratou xamais a ninguén a dedo.

Jorge Varela AER
O edil da Agrupación de Electores preguntaba no pleno polas acusacións do BNG
Javier Bas PP
O alcalde asegura que os seus avogados lle desaconsellaron denunciar
Contratacións transparentes
O alcalde afirma que os feitos falan por si sos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *