Hoxe é Luns 1 de Marzo de 2021

O BNG reclama que non se restrinxan os dereitos na atención sanitaria dos parados

RR_Noticias

Solicitan ao resto dos grupos con representación municipal o seu apoio para instar á Xunta a que retire a orde publicada en setembro e na que regula se regula e restrinxe o dereito de acceso á asistencia sanitaria para as persoas sen recursos económicos suficientes e para as persoas desempregadas.

Un texto que segundo lembra o BNG reduce as prestacións ás que teñen dereito os parados. Así as persoas afectadas por este decreto só teñen dereito, previo compromiso de pago, á atención de urxencias e emerxencias, é dicir , perden o dereito á sanidade pública universal, fican sen médico de cabeceira, sen probas diagnósticas nin especialistas e, non teñen, en definitiva, asistencia sanitaria completa. Estas persoas quedan tamén sen a asistencia farmacéutica até que volvan a ter todos os papeis en regra para volver estar de alta.
Todas as persoas afectadas terán ademais a obriga de solicitar unha tarxeta de persoas sen recursos mais esa solicitude pode tardar en aprobarse entre oito e dez meses, polo que durante todo ese tempo permanecerán sen asistencia gratuíta.
Unha orde que o Bloque cualifica de “totalmente inxustificada, inhumana e desoladora, xa que vulnera os dereitos básicos da cidadanía e rompe os principios de universalidade e equidade da Sanidade Pública”
Por este motivo solicitan o apoio do pleno da corporación para demandarlle á Xunta que retire de “xeito inmediato” esta normativa e que se restitúan todos os dereitos das persoas que foron prexudicadas reactivando as tarxetas anuladas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *