Hoxe é Luns 26 de Outubro de 2020

Cultura suspende os ciclos “Musicámara” e “Teafecciona” por falta de fondos

RR_Noticias

O actual concelleiro de Cultura, Alberto Pazos acusa ao seu predecesor no cargo de “malgastar os cartos dos redondeláns” e asegura que a situación económica que se atopou cando chegou ao cargo provocou recortes tanto na programación cultural como nas axudas que este departamento viña concedendo ás asociacións.

En concreto Alberto Pazos fala de que a falta de recursos levouno a recortar ata nun 30% as achegas que se concedían ás asociacións do concello para a elaboración de actividades culturais. Reitera que cando chegou ao cargo o seu departamento contaba co 27% do orzamento previsto para todo o ano e sinala directamente ao ex responsable de cultura, Eduardo Reguera, a quen acusa de ter “malgastado os cargos dos redondeláns tentando gañar unhas eleccións a base de subvencións”. Precisamente esa falta de fondos é o motivo de non ter celebrado este anos os ciclos culturais Musicamara e Teafecciona e recrimínalle a Reguera que a día de hoxe “aínda está pendente de pago da actuación correspondente ao Musicámara 2010”. Como exemplo da mala xestión do seu predecesor explica tamén que non se adoitaban pedir varios presupostos cando había que contratar algún servicio. Asegura por exemplo que nos últimos anos sempre se contrataba á mesma empresa para a colocación as luces de Nadal, “cando este ano comparando orzamentos imos aforrar ata un 30%”.  

Alberto Pazos edil de cultura
Os motivos económicos son os que levan a suspender os ciclos culturais
Mala xestión
O edil fala dunha xestión pouo seria ao fronte da concellería nos últimos anos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *