Hoxe é Martes 9 de Marzo de 2021

Detido un mozo de Redondela por intento de agresión a súa parella

RR_Noticias

O intento de agresión produciuse na xornada de onte na rúa Mendiño, cando a moza acudía ás dependencias da policía a presentar unha denuncia contra a súa parella quen a ameazara minutos antes nas inmediacións do colexio de Cesantes.

Axentes da Policía local e nacional de Redondela detiveron na xornada de onte a un veciño de Redondela A.P.R. de 23 anos de idade acusado de ameazar e insultar a súa parella, de 22 anos.
Os feitos iniciáronse cunha discusión nas inmediacións do Colexio de Cesantes a onde a parella acudiu a deixar ao seu fillo. Logo de ser ameazada a muller decidiu acudir ás dependencias policiais a presentar unha denuncia e foi interceptada pola súa parella na Avenida Mendiño ao redor das once da mañá, iniciándose unha forte discusión que levaron a un veciño a alertar á policía.
Unha patrulla desprazada ao lugar detivo ao home quen foi trasladado á comisaría de Vigo para ser posto a disposición xudicial. A muller, logo de ser acompañada por unha axente ao servicio de urxencias do Centro de Saúde de Redondela decidiu presentar unha denuncia por malos tratos.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *