Hoxe é Martes 27 de Outubro de 2020

O gran musical de Chapela

RR_Noticias

A coral O Piñeiral celebra o sábado o seu aniversario cun gran concerto titulado “Arte na rúa”. O coro estará acompañado por malabaristas, mimos, titiriteiros, músicos, bailaríns e outros artistas que conformarán un gran musical. Unha interesante cita coa música e o teatro que contará coa colaboración da actriz Charo Pita. No Multiusos O Piñeiral do Crego ás 20.00 horas.

Os amantes da música e o teatro teñen este sábado unha cita que non poden perder no Multiusos o Piñeiral do Crego en Chapela. A Asociación Coral celebra o seu 13º aniversario por todo o alto, cun gran musical no que participarán uns 70 artistas. Ao medio cento de persoas que compoñen a coral súmanse mimos, instrumentistas, malabaristas, titiriteiros e outros artistas, coa colaboración da actriz Charo Pita. Un espectáculo para todos os públicos que percorrerá diferentes estilos musicais coas apartados “Romaría Galega”, “México Lindo” e “Zarzuela”. Ánxeles Babarro, presidenta da Coral O Piñeiral, salienta que a súa agrupación non é “convencional”, e afástanse das interpretacións tradicionais das corais “de sempre”. Esta coral engade outras facetas artísticas como o teatro e o baile para facer espectáculos máis lúdicos e participativos.  

Ánxeles Babarro presidenta da coral
Un espectáculo fóra do tradicional.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *