Hoxe é Venres 27 de Novembro de 2020

Saxamonde acolle unha mostra sobre Castelao

RR_Noticias

O Centro Cultural Chan das Pipas de Saxamonde acolle dende hoxe e ata o 23 de outubro a exposición “Castelao e nós, 125 aniversario”. Trátase dun proxecto divulgativo da obra gráfica de Alfonso Daniel Rodríguez Castelao ideada pola Asociación Socio-Pedagóxica Galega no 125 aniversario do nacemento deste artista, escritor e político galego. O Servizo de Normalización Lingüística de Redondela promove esta exposición itinerante para achegar a figura e obra deste persoeiro da nosa cultura á toda a sociedade redondelá.

O Centro Cultural Chan das Pipas de Saxamonde acolle a exposición “Castelao e nós, 125 aniversario”. Este proxecto divulgativo da obra gráfica de Alfonso Daniel Rodríguez Castelao foi ideada pola AS-PG (Asociación Socio-Pedagóxica Galega), e patrocinada pola Fundación Castelao e diferentes concellos, entre eles o de Redondela. Este ano 2011 celébrase o 125 aniversario do nacemento deste artista, escritor e político galego, nado en Rianxo, o 30 de xaneiro de 1886.
O Servizo de Normalización Lingüística do Concello de Redondela promove esta exposición itinerante para achegar a figura e obra deste persoeiro da nosa cultura á toda a sociedade redondelá. A mostra pon de manifesto a vixencia do pensamento e da obra deste artista rianxeiro, e achega á poboación unha selección de debuxos e textos significativos que mostran a súa grandeza como creador plástico, pensador e político. A exposición inclúe debuxos dos álbums Nós (1931), Cousas da vida (1924-1925), Galicia mártir e Atila en Galicia (1937), e textos tirados do seu libro de ensaio político Sempre en Galiza (1944), nos que reflexiona sobre a economía e a sociedade, a emigración, a lingua, as institucións, a guerra do 36 ou o nacionalismo.
A exposición estivo anteriormente no Piñeiral do Crego de Chapela, no Centro Cultural de Vilar de Infesta e no Multiusos da Xunqueira de Redondela, e agora achégase a Saxamonde onde se poderá visitar ata o 23 de outubro. O Centro Cultural Chan das Pipas anima a todos os veciños e veciñas a visitala no propio centro, a partir das 17.00 horas en días laborables, e dende as 12.00 horas nas fins de semana.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *