Hoxe é Xoves 23 de Setembro de 2021
History
Stations
NOTHING FOUND!

Triunfo do Paraxe Chapela no I Trofeo Vila de Redondela Feminino

RR_Noticias

As xogadoras do Paraxe Construcións impuxéronse na final ás redondelás da SAR Shopimagen por 22-18. Os dous equipos locais chegaron á final logo de impoñerse na primeira eliminatoria ó Sanlo de Euskadi e ó Valladolid, respectivamente. Pamela Arca, do Balonmán Chapela, foi elixida mellor porteira do campionato, e Carla Abad, da SAR, mellor xogadora.

Os dous equipos locais, que militan na Liga Autonómica, ofreceron un partido de moita intensidade, no que no cómputo xeral o dominio foi para o Paraxe. Un primeiro tempo case perfecto para as xogadoras de Chapela deixaba o parcial cun marcador de 8-15. Pero todo mudou no segundo tempo. O exceso de confianza das chapeleiras, cunha defensa máis feble, fixo posible que as xogadoras da SAR Shopimagen mellorasen resultados, ata acadar un parcial de 8-2 ó favor das anfitrioas, co que o marcador amosaba un axustado 16-17. O tempo morto fixo espertar ás xogadoras de Chapela, que recuperaron o dominio do xogo e sentenciaron a final.
Na final de consolación gañou a terceira praza o Sanlo de Euskadi, que se impuxo ó Valladolid por 31-25. Pamela Arca, do Balonmán Chapela, foi elixida mellor porteira do campionato, e Carla Abad, da SAR, mellor xogadora.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *