Hoxe é Mércores 21 de Outubro de 2020

Redetroco, un lugar para intercambiar coñecementos

RR_Noticias

Unha nova rede social acaba de nacer en Redondela. É Redetroco, un espazo onde todos os que o desexen poden poñer ó servizo dos demais os seus coñecementos e habilidades, e ó mesmo tempo recibir outros servizos. Os intercambios son de balde e pasan por cuestións tan variadas como as clases de idiomas, música, deportes ou informática. Para poder participar tan só hai que rexistrarse en trocoredondela@gmail.com.

Partindo da premisa de que todas as persoas teñen algún coñecemento que pode resultar interesante para os demais, nace Redetroco. Nesta rede de intercambio a moeda é o saber, e o tempo que os participantes queiran dedicarlle ós demais. A rede está aberta a todos os que queiran participar, e é de balde. O obxectivo dos organizadores, como explica Merchi Martínez, é crear unha rede social e cultural que acolla a diferentes persoas de Redondela e a súa contorna, “fomentar a participación cidadá” cun proxecto que chegue a xentes de distintas idades e condicións. A dinámica para participar é sinxela. Cada persoa ten que ofrecer, cando menos, unha actividade ou saber: desde clases de música ata a práctica dalgún deporte, obradoiros de cociña ou conversa nalgún idioma estranxeiro. Por outra banda inclúense as demandas, o que a un lle gustaría facer ou aprender. Cada unha das ofertas e demandas envíanse ao correo electrónico trocoredondela@gmail.com e, unha vez ordenadas, son reenviadas a todos os participantes. A rede funciona logo de xeito autónomo, os interesados nalgunha actividade deben poñerse ponse en contacto co ofertante e acordar logo os horarios e contidos da actividade. Cada dous meses, as ofertas e demandas renóvanse e, por medio do correo electrónico, reenvíanse a todas as persoas pertencentes á rede. O primeiro boletín de ofertas e demandas enviarase o 1 de outubro. E xa hai case un cento de ofertas. Martínez explica que van desde os idiomas ata os xogos de mesa, pasando por actividades ó aire libre, as clases de informática ou a cociña. Reunións Desde Redetroco organizarán reunións para que os membros da rede se coñezan e poidan intercambiar impresións. A primeira será o 7 de outubro no Centro Cultural Chan das Pipas, de Saxamonde, e está previsto que se repitan o primeiro venres dos meses pares. Será un xeito máis de dinamizar á sociedade, e o obxectivo é facer estas reunións nas diferentes parroquias do municipio.  

Merchi Martínez organizadora
Redetroco ofrece a todos os interesados a posibilidade de ofrecer os seus coñecementos ós demais.
Ofertas e demandas
Martínez explica que hai múltiples actividades na rede.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *