Hoxe é Venres 22 de Outubro de 2021
History
Stations
NOTHING FOUND!

Deporte, música e idiomas centran as actividades do Centro Cultural de Trasmañó

RR_Noticias

A asociación ten aberto o prazo de matrícula nunha ampla oferta de cursos, tanto para nenos como para adultos. As clases impartiranse un día á semana en horario de tarde.

Desde este setembro e até xuño, arranca o programa de actividades do Centro Cultural de Trasmañó, na que se recuperan cursos de anos anteriores e se introducen novidades relacionadas co lecer, a cultura e o deporte. A oferta abrangue desde cursos de música tradicional, no que se poderá aprender a tocar o acordeón, a gaita ou a percusión, pasando pola música contemporánea con clases de guitarra e batería. Tamén haberá cursos de inglés, informática e reforzo escolar, ademais de teatro, petanca e calceta.
Os cursos están orientados tanto a nenos como a adultos e terán unha duración aproximada de sete meses. As clases impartiranse un día a semana en horario de tarde. Para saber máis sobre a programación e o custe de cada actividade poden achegarse ao centro cultural de Trasmañó, consultar o blog www.ccsanvicentedetrasmano.blogspot.com ou chamar ao número de teléfono, 630 31 53 63.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *