Hoxe é Sábado 15 de Maio de 2021

O Entroido de verán bailarase ao ritmo do “esta si, esta no” de Chimo Bayo

RR_Noticias

Obradoiros e inchables para os cativos na praza da Casa da Torre a partir das 18:00 horas, música durante toda a tarde para animar as rúas e concerto do DJ Chimo Bayo no Campo da feira son as actividades que centrarán unha xornada que segundo as estimacións do concelleiro de cultura podería atraer a Redondela a máis de dez mil persoas

O Entroido é sen ningunha dúbida unha das actividades que mais adeptos ten en Redondela. Non só o tradicional, o que se celebra no inverno, senón tamén o que este sábado vai encher as rúas da vila de diversión, música e disfraces. Como ben sendo habitual nos últimos anos os locais de hostalaría e o concello organizan conxuntamente esta actividade que arrancarán oficialmente ás catro da tarde do sábado, aínda que de seguro xa dende media mañá haberá quen se anime a lucir os seus disfraces polo casco urbano. Haberá charangas e comparsas e actividades para os máis pequenos, cativos que poderán gozar cos inchables instalados na praza da casa da torre e con obradoiros e xogos destinados especificamente ao seu divertimento. A atracción principal chegará co concerto nocturno a cargo do DJ valenciano Chimo Bayo. O músico repasará en Redondela os seus éxitos mesturando os temas electrónicos dos anos 80 e 90. Escoitarase o que foi o seu éxito máis destacado da súa carreira musical, o tema  “Así me gusta a mi” que cumpre vinte anos de historia. Un concerto que entende o Concelleiro de cultura servirá para atraer a nosa vila a milleiros de persoas. De feito manexa cifras e estimacións que falan de máis de dez mil persoas nesa xornada. Entre as novidades máis salientables atopamos a prohibición de instalar barras ao aire libre, que estarán restrinxidas ao campo da feira. O obxectivo é evitar que prazas e rúas se convertan nun “botellódromo”.  

Alberto Pazos edil de cultura
Programa
Chimo Bayo DJ
Actuación musical
Evitar o botellódromo
Só se venderá alcol nas barras do Campo da feira
"Esta si esta no"
Unha canción que cumpre 20 anos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *