O partido, disputado no pavillón de Sangriña de A Guarda entre o Mecalia Novás e o equipo de Chapela finalizou co resultado de 31 goles a 36.
O Paraxe Contrucións Chapela fíxose co trofeo Festas do Monte que na xornada de onte se disputou na localidade de A Guarda. Un partido de pretemporada que enfrontou ao club redondelán co equipo Mecalia Novás e que rematou co resultado de 31 goles a 36 a favor dos de Chapela. Xa no descanso se facía notar a superioridade dos visitantes que vencían cun resultado de 14-21. Logo do paso polos vestiarios os xogadores do Mecalia Novás reaccionaron chegando a reducir a diferenza no marcador pero non foron quen de vencer ao Paraxe, que se fixo coa vitoria final.
