Hoxe é Xoves 29 de Outubro de 2020

A protección da enseada de San Simón a debate na Casa da Cultura

RR_Noticias

Este venres remata o prazo de presentación de propostas ao Plan Director publicado pola Consellería de Medio Rural e no que se establecen os espazos incluídos na Rede Natura, entre os que atopamos a Enseada de San Simón como Lugar de Interese Comunitario (LIC). Dende o BNG organízase unha charla o mércores ás 20:00 horas na casa da Cultura para informar aos veciños deste proceso e das súas implicacións e consecuencias.

Alfredo López, presidente da Coordinadora para o Estudo dos Mamíferos Mariños -CEMMA- explicará aos asistentes a esta charla o contido do Plan Director da Rede Natura 2000. Un extenso documento no que se recollen os espazos susceptibles de formar parte do proxecto e polo tanto de recibir unha maior protección medioambiental por parte da administración e cuxo prazo de presentación de propostas remata este mesmo venres. Dentro dos espazos a protexer como Lugares de Interese Comunitario, atópase a Enseada de San Simón, lugar que presenta unha peculiaridade específica xa que é a lámina de auga a que está protexida o cal non implica que no seu litoral se poida instalar calquera empresa ou calquera actividade fora das recoñecidas como tradicionais. O acto informativo está convocado polo BNG, formación que defende que se aumente o nivel de protección de San Simón para preservar a enseada de ameazas e construccións que afecten o seu futuro. Por este motivo convocan a todos os veciños, asociacións e colectivos a achegarse a este acto que terá lugar na Casa da Cultura o mércores 27 ás 20:00 horas.  

Alfredo López director do CEMMA
Explica para que serve a Rede Natura
Especificidade da Enseada
A enseada de San Simón presenta unhas peculiaridades específicas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *