Hoxe é Martes 24 de Novembro de 2020

Bas ocupa a alcadía de Redondela logo do pleno de investidura

RR_Noticias

O multiusos quedou pequeno para acoller a todo o público que non quería perder a toma de posesión do xa novo alcalde, o popular Javier Bas. Non houbo sorpresas e a sesión desenvolveuse segundo o esperado coa abstención do único representante de AER, Jorge Varela “Chopi” o que fixo posible un cambio de goberno en Redondela.

Javier Bas recibía o sábado os dez votos correspondentes aos concelleiros do PP, mentres que o candidato socialista Eduardo Reguera tamén acadaba dez papeletas, as oito correspondentes aos concelleiros do PSOE e as dúas do BNG. A abstención de Jorge Varela Chopi, de Agrupación de Electores deixaba finalmente a alcaldía en mans da lista máis votada, a dos populares que na xornada de hoxe están xa tomando posesión no Concello de Redondela. Logo da votación, Javier Bas agradecía nun breve discurso o apoio recibido polos veciños, polo exalcalde popular Amado Ricón e tamén pola súa familia. Un discurso que nos deixaba a anécdota da xornada cando Javier Bas nun “lapsus” aseguraba que era un “horror” para el e unha responsabilidade converterse en alcalde de Redondela. Un erro que corrixía de xeito inmediato cambiando a palabra horror por “honra”. Bas tendía a man ao resto dos grupos presentes na corporación “así como aos partidos políticos que non acadaron representación para traballar e colocar a Redondela no posto que se merece como cuarto municipio da provincia” Un pleno de investidura máis tranquilo do esperado a pesar da masiva afluencia de público e a pesar das protestas que se produciron ás portas do auditorio. Unhas protestas que con todo tiveron carácter festivo aínda que sen esquecer o aspecto reivindicativo. Algúns dos que se tiveron que quedar ás portas do auditorio manifestaron con berros o seu cabreo e incluso o concelleiro de AER, Jorge Varela fixo alusión na súa intervención a que lle parecía “inxustísimo que houbera xente que non puidera entrar”. Este edil era o único que se saltaba o protocolo e no seu xuramento ao cargo de concelleiro omitía a promesa de gardar lealdade ao Rei.

Discurso de investidura
Javier Bas tendeu a man aos veciños e ao resto dos grupos políticos
Lapsus lingüístico
Un horror por honor
AER explica o seu voto
Jorge Varela explicaba o motivo da súa abstención
Cantos protesta
As protestas desenvolvéronse con tranquilidade

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *