Hoxe é Xoves 22 de Outubro de 2020

O Plan Xeral e a modificación do trazado da autovía, primeiros compromisos de Bas

RR_Noticias

Javier Bas entende que o “o diálogo, a transparencia e a proximidade cos veciños” serán fundamentais para dar a Redondela un goberno estable en minoría. Na mañá de hoxe os novos concelleiros traballaban xa no reparto das áreas de goberno.

O novo alcalde de Redondela anunciou xa cales van ser os primeiros compromisos do goberno popular. Asegura que durante a xornada de hoxe organizará o goberno co reparto de áreas e responsabilidades entre os nove concelleiros que o acompañan no consistorio e que a continuación se marca dúas prioridades inmediatas: sacar adiante o Plan Xeral de Ordenación Municipal e modificar o trazado da autovía A-59. Lembramos que nese sentido dende o PP sempre se defendeu a construción da A-57 entre Pontevedra e O Confurco coa chamada alternativa 11, unha conexión entre Pazos, Os Valos e Peinador, fronte a A-59 (Pontevedra- Vigo) por considerar que esta última é a que máis dano causaría nas parroquias de Redondela. Bas non dubidou en cualificar o cambio de goberno como “un feito histórico” e asegurou que os tres piares básicos que empregará para sacar adiante un goberno en minoría serán a “transparencia, o diálogo e a proximidade cos veciños”.  

Javier Bas alcalde de Redondela
O rexedor local fala de "momento histórico"
Prioridades do novo goberno
O PXOM e a autovía son os temas que de xeito inmediato teñen previsto abordar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *