Hoxe é Xoves 29 de Outubro de 2020

O Arcade defende o esforzo do equipo malia a posiblidade de descenso

RR_Noticias

No club de Soutomaior están pendentes do que aconteza nas categorías superiores, xa que é máis que probable que os arrastren deixen ó Arcade na Segunda Autonómica. Con todo, desde a directiva están satisfeitos co esforzo e o traballo dos xogadores e do corpo técnico, que loitaron ata o final por manterse na Primeira Autonómica.

Rematada a liga na Primeira Autonómica, Castrelos, Bouzas B e San Martín foron os tres equipos descendidos, pero poden ser máis os que baixen a Segunda Autonómica en función dos arrastres das categorías superiores. E o seguinte na lista é o Arcade, e despois o Chapela, cuarto e quinto pola cola respectivamente. En Soutomaior teñen xa asumido que o descenso é “máis que probable”. Con todo, o presidente do club, Daniel Álvarez, defende o esforzo feito polos xogadores e o corpo técnico, porque traballaron “ata o final” para manterse. Álvarez salienta que non houbo “deixadez” nin falta de compromiso por parte do equipo, polo que a directiva decidiu confiar neles ata o final. Para a directiva tampouco foi unha sorpresa o feito de verse con opcións de descender. De feito a pasada temporada salváronse na última xornada. O propio Álvarez confesa que “sendo realistas”, a Primeira e a Segunda Autonómica son as dúas categorías entre as que estará “alternando” o equipo, dadas as súas posiblidades económicas. De cara a próxima temporada no club confirmaron xa a saída do adestrador, Jacobo Montes, que será o novo técnico do C.D.Choco, polo que a entidade deberá buscar novo adestrador. Con todo, a actual directiva evitará polo de agora facer movementos, xa que están á espera de celebrar a Asemblea Xeral. Será o 19 de xuño, e o presidente agarda que xente nova “tome o relevo” á fronte do club, xa que a actual directiva leva xa “moitos anos”, e precísanse “renovar o proxecto.

Daniel Álvarez presidente
A directiva defende o traballo feito polos xogadores e técnico
Obxectivos
Álvarez confesa que as aspiracións do club pasan por estar en Primeira ou Segunda

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *