Hoxe é Martes 1 de Decembro de 2020

Unha mesa redonda sobre consumo responsable abre un ciclo de actividades de Loaira

RR_Noticias

O ciclo, que arranca este venres ás 20:30 horas no Multiusos da Xunqueira, inclúe a proxección do documental “A nova aldea” e unha conferencia sobre horticultura urbana en Galicia

Unha mesa redonda, un documental e unha conferencia completan un ciclo organizado pola Asociación de Consumo Responsábel Loaira onde se inclúen diversas temáticas e experiencias que contribúen a repensar a nosa relación co medio e a mostrar que a transformación social é posible. As actividades arrancan este venres ás 20:30h no Multiusos da Xunqueira onde terá lugar a mesa redonda baixo o título “Consumo responsábel, ferramenta de transformación”. Participarán Xabier Rodríguez da Cooperativa de Consumo Responsábel Árbore, Belén Fervenza, labrega de Horta do Cadaval e Chus Diéguez, de Loaira. Proxectarase tamén a curta “tres historias e un vaso de leite”. O xoves 17, ás 20:30 no mesmo espazo proxectarase o documental “A Nova Aldea”, de Carlos Oro onde se inclúen diferentes historias arredor de iniciativas orixinais que amosan que vivir no rural é posíbel. Finalmente, o venres 25 na Casa da Torre poderase asistir ás 20:00h á conferencia “A horticultura urbana da Galiza”.a cargo de Ramón Paz, da Asociación Galega de Horticultura Urbana, na que se darán a coñecer diversas experiencias de cultivos no pais e se afondará na idea de que vivir nun entorno urbano non significa ter que renunciar á actividade agrícola. As actividades pretenden fomentar o debate mostrando a posibilidade real de mudar hábitos, criterios, valores, inxustizas e relacións na nosa sociedade.

Alberte Román Loaira
Na mesa redonda falarase de consumo responsable como instrumento de cambio
Horticultura urbana
Cultivar produtos ecolóxicos nas cidades

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *