Hoxe é Xoves 28 de Marzo de 2024
Stations
NOTHING FOUND!
Current listeners: 
Peak listeners: 

O condutor que matou a un menor ás portas da discoteca La Fábrica é reincidente

RR_Noticias

Amigos e familiares do menor atropelado na madrugada do pasado domingo ás portas da discoteca redondelá organizan unha manifestación que partirá o sábado ás 17:00 horas dende La Fábrica ata a Igrexia parroquial de Cesantes onde Luis David foi soterrado. O condutor do vehículo que o atropelou xa fora condenado por conducir ebrio.

José Antonio D.D. o condutor do vehículo que na pasada fin de semana se levou por diante a vida dun menor ás portas da discoteca La Fábrica xa fora condenado con anterioridade pro conducir cunha taxa de alcohol superior ao máximo legal permitido. De feito, fora condenado a 8 meses de privación de carné de conducir, a catro meses de multa e a cumprir 22 días de traballos para a comunidade.
A sentencia, foi ditada en xuño do 2009 polo mesmo xulgado de Redondela que agora instrúe as dilixencias por presunto homicidio imprudente logo do atropelo mortal.
A día de hoxe José Antonio atópase en liberdade con cargos. A xuiza de Redondela impútalle un suposto delicto contra a seguridade do tráfico por conducir baixo os efectos do alcol e outro de lesións imprudentes que ten derivado nun homicidio imprudente logo do falecemento da vítima.
O avogado que representa á familia ten previsto solicitar o seu ingreso en prisión logo de constatar que é reincidente.

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará