Hoxe é Mércores 25 de Novembro de 2020

O PP denuncia que as augas fecais anegan tramos do Camiño a Santiago ao seu paso por Vilar

RR_Noticias

Os populares aseguran que a parroquia redondelá está completamente esquecida por parte do goberno local algo que se reflexa “no saneamento, o mal estado dos viais e dos espazos públicos, así como tamén nas instalacións deportivas”

Engade o líder do PP, Javier Bas, que o abandono é tal que incluso actuacións tan básicas como é o saneamento está a causar problemas no traxecto do Camiño de Santiago que por esta zona discorre e polo que pasan milleiros de peregrinos. Denuncian que no tramo que vai dende Chan das Pipas a Santiaguiño realizouse recentemente unha obra de saneamento que afecta a unha ducia de veciños, na que se instalou unha estación de bombeo que deixou de funcionar provocando a acumulación das augas fecais no depósito e a saída das mesmas directamente polas tapas dos rexistros cara ao exterior nunha cantidade importante que encharca varios metros do camiño, vía de entrada para estes veciños e de paso para os milleiros de persoas que peregrinan a Santiago neste ano Xacobeo. Ademais, noutras rúas as tapas dos rexistros e as arquetas non están instaladas como é debido polo que non soportan o paso dos vehículos, rematando por afundirse e crear fochancas e roturas do firme co perigo que isto conleva para conductores e viandantes.
Reclaman tamén dende o PP que o goberno preste atención aos lavadoiros e fontes xa que “fontes como a dos Teixugos no Muiño do medio, a fonte do Fixón e a fonte de San Martiño atópanse nun estado lamentable”.
Por outra parte, “infraestruturas como son as instalacións deportivas tampouco gozan de boa saúde”. O campo de fútbol do equipo da parroquia que milita na terceira división autonómica, o Atlético de Vilar, e no cal tamén xoga un equipo xuvenil, “presenta un estado vergoñoso” segundo declaracións de Bas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *