Hoxe é Venres 27 de Novembro de 2020

Redondela renova o seu convenio coa Mesa para a normalización do galego

RR_Noticias

O concello aporta unha achega de 3.000 euros para o desenvolvemento de campañas de sensibilización a prol do uso do idioma. Incidirase especialmente no comercio, a hostalaría e nas actividades deportivas e de lecer.

A Concellería de Normalización asinou hai escasos minutos un novo convenio coa Mesa pola Normalización Lingüística. O acordo permite que ambas entidades colaboren en campañas a prol dun uso normal do galego en tódolos ámbitos da vida redondelá. A Mesa vai aportar material informativo e asesoramento ao Concello para levar a cabo campañas de sensibilización e galeguización, principalmente nos ámbitos socioeconómicos, con incidencia en comercios, na hostalaría así como en actividades de lecer e deporte, segundo explicacións da técnica en normalización Eva García Rei. Para financiar estas actividades o Concello realiza unha achega económica de 3.000 euros, cantidade que a secretaria da Mesa, Iria Taibo entende imprescindible para seguir a desenvolver un traballo de difusión e normalización da lingua. En concreto destacou o compromiso que ano tras ano Redondela renova con este organismo para seguir e lembrou que é imprescindible o traballo da administración local de cara a normalizar o uso do idioma.

Iria Taibo representante de A Mesa
O apoio dos concellos é imprescindible para avanzar na normalización do idioma
Eva García Rei técnica de normalización
A achega económica servirá para realizar campañas de normalización

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *