Hoxe é Xoves 6 de Outubro de 2022
Stations
NOTHING FOUND!
Current listeners: 
Peak listeners: 

Tirán proclámase Campión Galego de traiñeiras na regata disputada en Chapela

RR_Noticias

Os de Moaña, única embarcación galega na liga ACT, estiveron intratables. Clasifícanse así para o Campionato Nacional, no que tamén estará Amegrove, segundo clasificado. O club de Remo de Chapela tivo que conformarse coa sétima praza.

Cumpríronse os prognósticos. O S.D. Tirán é o Campión Galego de Traiñeiras ó impoñerse cunha rotunda superioridade na proba disputada en Chapela.  Os de Amegrove tentaron seguirlle a estela, pero os do Morrazo gañaban cada vez máis vantaxe, e remataron a regata 14 segundos por diante dos do Grove, que foron segundos. O C.R. Chapela non puido pasar da sétima praza. Tocoulles remar na mesma quenda que Tirán, Amegrove e Samertolameu. Os seus rivais comezaron moi fortes, e aínda que quixeron remontar, os redondeláns fóronse apagando ós poucos. A proba, disputada en Arealonga cun mar totalmente en calma, foi un recital dos de Tirán de principio a fin. Ós rivais só lle quedaba a opción de aspirar á segunda posición, que daba praza para competir no Nacional que se celebrará en Pedreña (Santander) os días 7 e 8 de agosto.
Neste XXVII Campionato de Galicia de Traiñeiras competían os sete primeiros da Liga Galega, ademais de Tirán, que compite na liga ACT.
Agora queda ver o que poden facer os representantes galegos en Pedreña. Trátase dun campo de regatas complicado, pero os de Moaña teñen a vista posta no podio e, despois do nivel demostrado en Arealonga, son firmes candidatos ó título.
Pero antes temos outras citas na Liga Galega, esta fin de semana dispútase a IX Bandeira Teresa Herrera na Coruña. Unha liga na que Chapela seguirá a esforzarse por manter a regularidade que os sitúa na terceira praza da xeral.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará