Hoxe é Domingo 25 de Outubro de 2020

Financiamento público privado para a A-59 e ampliación de Rande no 2011

RR_Noticias

O ministro de Fomento confirmou que se manteñen os prazos para a ampliación da autoestrada AP-9 e adianta que se recorrerá a unha fórmula mixta público-privada para financiar a futura A-59. A Plataforma Cidadá ve nesta fórmula unha porta aberta para converte a vía nunha autoestrada de peaxe.

Os recortes no Ministerio de Fomento non van afectar ás grandes infraestruturas na comarca. Así o confirmou onte o titular deste departamento, José Blanco que asegurou que se manteñen os prazos para á ampliación da AP-9 coa súa contratación prevista para principios do 2011. Un proxecto no que se inclúe a instalación do terceiro carril sobre a ponte de Rande e a ampliación do tramo que afectará de cheo a parroquia de Chapela co fin de “resolver os problemas máis agudos que ten esa arteria tan importante” segundo declaracións do Ministro. Engadiu tamén que seguirá vixente a construcción da autovía A-57 entre Pontevedra e Vigo, unha obra que comezará pola circunvalación de Pontevedra como alternativa á autoestrada do Atlántico, aínda que non deu prazos e apostou por centrarse nos “proxectos maduros”. Si hai cambios en canto ao financiamento desa futura autovía xa que adiantou que se recorrerá a unha fórmula mixta público-privada. Unha fórmula que ao entender da Plataforma Cidadá apunta cara á privatización desa vía que “podería converterse nunha nova autoestrada de peaxe ante a imposibilidade por parte de Fomento de financiar e manter a infraestrutura”.

José Blanco Ministro de Fomento
A ampliación da AP-9 será contratada a principios do 2011
Tino Míguez Plataforma Cidadá
O sistema mixto para financiar a A-59 apunta a unha privatización da autovía que podería converterse nunha vía de peaxe

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *