Hoxe é Martes 27 de Outubro de 2020

Satisfacción no Club de Remo de Chapela pola segunda praza na Liga Galega

RR_Noticias

O equipo redondelán quere manter “os pés no chan” e pese ós bos resultados nas primeiras regatas, insisten en que o obxectivo é acabar a tempada entre os cinco primeiros. A próxima fin de semana teñen dobre cita, o sábado na Bandeira Concello de Cangas e o domingo en Oleiros.

A regata disputada en Chapela a pasada fin de semana deixou a cabeza da Liga Galega moi apertada. A vitoria de Amegrove e o cuarto posto de Samertolameu, ata agora, intratable, deixa nun pano de puntos ós cinco primeiros clasificados. O Club de Remo Chapela mantense como o máis regular, e a segunda praza en Arealonga mantenos en postos de elite. Seguen segundos na xeral, pero agora a só un punto dos dos de Meira, que manteñen o liderado. Cinco equipos con soamente cinco puntos de diferencia ente eles demostra a igualdade e o equilibrio existente nesta liga galega. Por iso no club redondelán son prudentes. O presidente, Fernando Collazo, amosa a súa satisfacción pola segunda praza, pero di ter “os pés na terra”, e insiste en que o obxectivo dos de Chapela é rematar “entre os cinco primeiros”. Apunta que a actual situación do club é circunstancial, e que hai un total de 7 equipos “moi igualados”, e que ó longo da tempada calquera pode estar “de segundo ou de sexto”. Do tropezo de Samertolameu na Bandeira Concello de Redondela recoñece que foi “unha sorpresa”, pero que a pesar de terlle gañado, os de Meira “son superiores” e demostrarano en sucesivas regatas. E as seguintes citas serán esta fin de semana. O sábado disputarase a XXIII Bandeira Concello de Cangas ás 17.30 horas, e o domingo a XX Bandeira Concello de Oleiros, ás 11.30 horas. Unha fin de semana dura para o equipo redondelán, que confía en ter mellores resultados en Cangas. Collazo explica que a proximidade e o maior coñecemento do campo de regatas fai que teña “mellores sensacións” para a proba do Morrazo.

Fernando Collazo presidente
No club salientan que hai moita igualdade entre os clubs de cabeza
Bandeiras de Cangas e Oleiros
En Chapela confían en ter mellores resultados no Morrazo

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *