Hoxe é Luns 19 de Outubro de 2020

Os naseiros de Arcade denuncian novos vertidos da depuradora

RR_Noticias

O informe de Augas de Galicia descartando fallos na depuradora de Arcade non convence á Asociación de Naseiros Alvedosa. O colectivo segue a denunciar o deficiente funcionamento das instalacións, así como vertidos que chegan desde distintos aliviadoiros ó longo do río, e que verten directamente no río. Os naseiros insisten en que as obras se fixeron mal, e que cando chove, ao non estar separadas as augas fecais das pluviais, a depuradora vese desbordada

As afirmacións da Xunta de Galicia sobre o correcto funcionamento da depuradora de Arcade non son compartidas pola Asociación de Naseiros de Arcade. As continuas queixas de pescadores e naseiros chegaron recentemente ao Parlamento galego a través dunha pregunta do BNG. Desde Augas de Galicia afirman que as instalacións cumpren os límites para a contaminación que nela se pode depurar tendo en conta a tipoloxía da depuradora. Pero diferentes colectivos como a Asociación de Naseiros Alvedosa segue a denunciar os vertidos. O seu presidente, Antonio Álvarez, insiste en que o funcionamento da depuradora está lonxe de ser correcto, e lamenta “que os cartos procedentes da UE para sanear a ría non se empregasen ben”. Álvarez explica que en ocasións as augas fecais de Pontesampaio chegan á ría “sen ningún tipo de tratamento”, o que supón un verdadeiro “problema sanitario”. E ás deficiencias da depuradora hai que engadirlle o feito de que non haxa separación de augas fecais e pluviais, polo que cando chove as instalacións vense “completamente desbordadas”. E o colectivo de naseiros engade outro problema, o feito de que algúns empresarios aproveiten cando chove “para botar ó río vertidos”.

Antonio Álvarez presidente dos naseiros
A Asociación de Naseiros denuncia vertidos
Depuradora desbordada
Álvarez lamenta que as cousas non se fixeran ben

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *