Hoxe é Venres 27 de Novembro de 2020

O festival de títeres suspende a programación escolar

RR_Noticias

A reducción nas achegas económicas obrigan a suspender as representacións orientadas aos escolares e a incrementar o prezo das funcións de sala, que este ano serán un euro máis caras. O festival, que se desenvolverá do 19 ao 23 de maio, mantén o seu carácter internacional.

O recorte nas axudas económicas, sobre todo na achega de 18.000 euros que facía a Xunta de Galicia, e a limitada capacidade organizativa do festival, cuxa complexidade foi medrando nos últimos anos, obriga a suspender a programación escolar. Serán máis de tres mil escolares dos colexios públicos de Redondela e Chapela os que se vexan afectados, ao quedar reducida a programación de sala e rúa que se desenvolverá entre os días 19 e 23 de maio. Tamén a consecuencia da diminución nas subvencións, a Asociación Xente Titiriteira, encargada da organización do evento xunto coa Concellería de Cultura, acordou incrementar o prezo das entradas, que este ano custarán cinco euros para o público en xeral e tres para os rapaces. Con todo, dende a organización destacan sobre todo que nesta undécima edición mantense a calidade de anos anteriores apostando pola diversidade e a variedade, con espectáculos de manipulación de obxectos, monicreques de man, luva e variñas,  sombras chinesas ou marionetas de fío que chegarán a Redondela da man de compañías procedentes de todo o planeta. Así está confirmada xa a presenza de artistas de Brasil, Italia, Francia, Arxentina, India, Bélxica, Cataluña e Galicia. Miguel Borines destaca entre as compañía deste ano aos italianos Girovago e Rondella ou a arxentina Valería Guglietti entre outros. Haberá ademais as tradicionais actividades de animación de rúa a cargo da música de os Croquetas ou The Turre’s band.

MIguel Borines de Xente Titiriteira
A diminución nas axudas obriga a eliminar a programación escolar
Programación internacional e variada
Grupos de Brasil Italia Arxentina Francia ou Bélxica estarán presentes no certame

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *