Hoxe é Xoves 29 de Outubro de 2020

A derrota en Poio complica a situación do Arcade

RR_Noticias

O resultado negativo de 2-1 no campo do Poio deixa ós de Jacobo Montes na parte baixa da táboa. Con todo, no club son optimistas e agardan non ter problemas para asegurar a permanencia, xa que queda unha longa segunda volta por diante.

O equipo da 1ª Autonómica non está a pasar polo seu mellor momento. Despois da derrota no campo do colista, o Poio, a súa situación na táboa complícase. Agora son 14º, aínda que no club son optimistas, queda case toda a segunda volta por diante, e agardan que os resultados melloren para garantir a permanencia. O presidente do club, Daniel Álvarez, asegura ter confianza nos xogadores, que serán quen de darlle a volta a esta situación. A próxima cita será o domingo, e diante dun rival complicado, xa que visita o Salgueirón o Valladares, un dos equipos da parte alta da táboa. Con todo, Álvarez aposta pola calidade dos seus xogadores, que xa colleitaron un resultado positivo na ida contra este equipo. Moito máis agradable é a situación do filial, o Arcade B, en Terceira Autonómica. O equipo foi creado para darlle unha saída ós rapaces que adestran nos equipos base do Arcade, e están a obter bos resultados. Están situados na metade da táboa e algúns poden dar o salto ó primeiro equipo, que é o obxectivo do traballo coa canteira. A próxima cita do Arcade B será no campo do Salcedo, un dos colistas.

Daniel Álvarez presidente
No club confían en saír desta situación e asegurar a permanenia.
Arcade-Valladares
O presidente confía en repetir o resultado positivo do parido de ida.
Arcade B
Álvarez amósase satisfeito dos resultados do filial que foi creado para dar saída ós xogadores da canteira.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *