Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

O PP critica ao goberno por prometer un spa en Chapela e proxectar só unha piscina

RR_Noticias

Os populares entenden que se trata dun fraude electoral e critican que a totalidade dos cartos do novo Plan E se invistan en unha única obra “cando a parroquia ten outras necesidades máis urxentes como unha gardería ou un pavillón”   

 A voceira do PP en Redondela Francisca Canal acusa ao goberno local de fraude electoral  por prometer aos veciños un spa “cando o que realmente van realizar é unha piscina”.
Critican ademais que todo o orzamento do novo Plan E vaia destinado a este proxecto cando existen outras melloras máis necesarias na parroquia”. Lembran por exemplo a carencia dun servizo de gardería ou dun pavillón deportivo así como obras de mellora en camiños e alumeado, “necesidades máis urxentes nunha parroquia cun elevado índice de poboación”.
Dende o PP arguméntase a súa decisión de absterse na comisión de adxudicación da obra do complexo náutico deportivo debido a que ” “non víamos claros os informes técnicos nin tampouco a viabilidade do proxecto”.
Os populares aproveitan tamén para facer un balance dos cartos recibidos dende as diferentes administracións e do seu uso, Afirman que foron máis de 12 millóns de euros, procedentes das dúas axudas do estado, do Plan Anticrise da Deputación e do préstamo solicitado “cun resultado máis que lamentable: as únicas actuacións que realizaron foi levantar beirarrúas e prometer unha piscina, unha promesa que pode levar o mesmo camiño que o famoso auditorio de A Marisma, que despois de tantos anos prometendo unha obra deciden non executala” conclúe Canal.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará