Hoxe é Luns 3 de Outubro de 2022
Stations
NOTHING FOUND!
Current listeners: 
Peak listeners: 

Os ladróns visitan Redondela

RR_Noticias

No que vai de ano foron xa varias as vivendas asaltadas no casco urbano da vila. Na xornada de onte foi un piso da rúa Santa Mariña o que sufriu a acción dos ladróns, quen causaron estragos na porta de acceso ao inmoble así como no interior do mesmo e fixéronse cun botín de 1.200 euros en metálico

A realidade parece querer contradicir os datos que hai tan só dous meses deixaba en Redondela o subdelegado do goberno, Delfín Fernández. Aseguraba na última reunión da Xunta Local de Seguridade celebrada en novembro que as estatísticas confirmaban a boa situación do noso concello en materia de seguridade cidadá. Segundo os datos da Subdelegación a taxa de criminalidade, isto é, o número de delictos e faltas por cada mil habitantes, mantíñase no 20’21 por mil, a cifra máis baixa de entre os núcleos máis importantes de Galicia. Unha taxa que situaba a Redondela 10 puntos por baixo da media provincial.
Con todo, nos últimos días téñense producido numerosos asaltos a garaxes, vivendas e locais comerciais. O último producíase na mañá de onte martes, cando os ladróns forzaban a porta de entrada dunha das vivendas dun edificio situado en Santa Mariña e acadaban botín de 1200 euros ademais de deixar varios danos no inmoble.
Un último atraco a un piso que segundo fontes da Policía Nacional non é o primeiro que se ten producido no que vai de ano.
E ademais dos asaltos a vivendas particulares denunciados neste 2010, hai que lembrar que o último fin de semana do ano deixábanos un total de seis garaxes asaltados en diferentes comunidades de veciños na zona de Vilavella así como o roubo no local comercial Juan Blanco, situado na rúa Ernestina Otero.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará