Hoxe é Sábado 28 de Novembro de 2020

Arealonga Arquitectura adxudícase a redacción do proxecto da piscina de Chapela

RR_Noticias

O complexo náutico deportivo contará con tres plantas onde se instalará o club de remo e a cafetería, a piscina e o centro deportivo. O 75% da enerxía empregada nas instalacións procederá de fontes xeotérmicas  

O goberno municipal acordou hoxe adxudicar por valor de 116.000 euros a redacción do proxecto de construcción do centro de deportes acuáticos de Chapela á Arealonga Arquitectura. A empresa ten agora un prazo de algo máis dun mes para presentar o proxecto que inclúe o edificio na súa totalidade así como a urbanización do exterior. O interior estará dividido en tres andares: a planta baixa acollerá o club de remo, a cafetería e as instalación xerais, na primeira planta instalaranse a piscina, os vestiarios, o spa e as oficinas e o segundo andar destinarase ao centro deportivo. En total a superficie construída ascende a 3.761 metros cádrados, dos cales, 818 atenderán as necesidades do club de remo da parroquia Unha das propostas máis novedosas feitas pola empresa e que determinou en gran medida a concesión do proxecto foi, segundo explicou o concelleiro de urbanismo, Emilio González Iglesias, é a aposta feita polo uso de enerxías alternativas de baixo impacto ambiental, como son as enerxías xeotérmicas e aguatérmicas que propoñen captar calor do chan así como da auga do mar. Estímase que a combinación de ambas as dúas enerxías permitirá abastecer o 75% das necesidades do complexo deportivo. Na contorna do edificio contémplanse novas prazas e espacios de circulación, coa creación dun espacio entre a nova edificación e o paseo marítimo que estará dotado de prazas de parking. A instalación deportiva na súa primeira fase deberán realizarse ao longo do 2010 co que a piscina de Chapela debería comezar a funcionar no prazo de un ano.

Emilio González edil de urbanismo
O complexo deportivo contará cunha superficie total de 3.762 metros cadrados
Enerxías xeotérmicas
A empresa propón extraer calor do chan e da auga do mar para cubrir parte das necesidades enerxéticas do edificio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *