Hoxe é Sábado 31 de Outubro de 2020

Chapela aplaude a decisión do Concello de construír unha piscina na parroquia

RR_Noticias

A Asociación de Veciños afirma que se trata dunha demanda histórica e reivindica outras infraestruturas como un Centro de Día ou unha gardería. Critican o deixamento que a Concellería de Vías e obras está a ter coa parroquia  

A corporación municipal aprobou onte en pleno extraordinario unha modificación puntual do Plan especial de reforma interior (Peri) de Chapela indispensable para proceder a construír o futuro complexo náutico deportivo, dotado de dúas piscinas cubertas, centro de talasoterapia e spa así como de un espacio para o club de remo. Unha modificación da parcela da antiga fábrica de Carballo, que pasa de industrial a zona de equipamento, e que se aprobou cos votos a favor de todos os grupos, excepto o PP, cuxos concelleiros optaron pola abstención. A decisión de dar luz verde ao proxecto da piscina é aplaudida dende a asociación de veciños de Chapela quen dende hai anos viña demandando unhas instalacións deportivas destas características para a parroquia. Con todo, lembran que en Chapela hai outras moitas carencias que pasan por unha gardería ou un centro de día, servizos indispensables para atender á poboación da zona. O colectivo veciñal critica por outra banda o funcionamento da Concellería de Vías e Obras, a quen dende hai meses veñen demandando o arranxo de ata un total de vinte camiños sen que as súas queixas sexan atendidas. Si se lles informou no último consello parroquial do futuro arranxo de beirarrúas na Avenida de Redondela e da humanización, coa inclusión de semáforos e aparcamento, na Avenida de Vigo. A presidenta da asociación veciñal afirma que hai unha débeda coa parroquia de Chapela, así como con outras moitas, xa que habitualmente os esforzos dos políticos e do goberno local se reducen a atender as demandas do centro urbano.

Angeles Méndez AVV
A presidenta do coletivo veciñal lembra que hai outras necesidades ademais da piscina como un centro de día ou unha gardería
Arranxo de camiños
Critican o desleixo da concellería de Vías e obras

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *