Hoxe é Xoves 22 de Outubro de 2020

A Plataforma Cidadá convida aos veciños a participar nun magosto na praza do Concello

RR_Noticias

O alcalde recoñece que adiantou a data do pleno para evitar que o acto convocado pola plataforma coincidise coa sesión plenaria. Rexeita as acusacións do PP quen criticaban que “o alcalde se agochase dos veciño e non dese a cara”

A Plataforma Cidadá contra a autovía celebra esta tarde ás 20:00 horas un magosto na praza do concello. O colectivo convocara esta actividade hai unha semana coa intención de facer coincidir o magosto coa celebración do pleno de novembro que habitualmente se convoca o último mércores de cada mes. Nembargantes, esa coincidencia non foi posible logo de que o alcalde decidise adiantar a convocatoria. Xaime Rei confirmaba nos micrófonos da radio municipal que decidiu modificar a data da sesión ordinaria para garantir o bo desenvolvemento do pleno e lembrou, que aínda que os veciños teñen todo o dereito a manifestarse libremente a súa obriga e velar para que a institución municipal funcione correctamente. Rei rexeitou rotundamente as acusacións do PP quen a través da súa voceira o acusaran de “agocharse dos veciños sen dar a cara antes as posibles dificultades e inquedanzas destes”. A Plataforma mantén o magosto desta tarde e convida a veciños e colectivo que estean interesados no problema da autovía a que se acheguen para intercambiar información sobres as últimas novidades ao respecto así como de futuras actividades a desenvolver.

Xaime Rei
O alcadle recoñece que camio a data do pleno para non coincidir co acto convocado pola Plataforma
Críticas ao PP
Acusa aos populares de carecer de criterio

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *