Hoxe é Domingo 29 de Novembro de 2020

Ferido grave un peón de 91 anos atropelado por un autobús en Chapela

RR_Noticias

O home de 91 anos de idade foi alcanzado por un autobús de Vitrasa cando estaba a cruzar por un paso de peóns na Avenida de Redondela. Foi trasladado ao Hospital Xeral con feridas de gravidade

O accidente producíase ás 18.!5 horas de onte na Avenida de Redondela. O ferido foi alcanzado por un autobús da empresa VITRASA cando estaba a cruzar un paso de peóns que se atopa preto da rotonda que da acceso á autoestrada AP-9.
O peón recibiu os primeiros auxilios por parte dos membros do Grumir e do persoal dunha ambulancia e posteriormente foi trasladado ao hospital Xeral polo 061.
O home recibiu un forte golpe na cabeza e presentaba policontusións con diversas lesións no corpo.
O sinistro causou importantes retencións en sentido Vigo durante máis de media hora ata que o ferido foi evacuado.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *