Procurar saídas laborais e dar as mulleres ferramentas axeitadas para realizar esta busca son os obxectivos das xornadas que se desenvolverán a partir do vindeiro luns día 19 e ata o xoves 29 en Redondela
O curso está dividido en dous módulos. No primeiro as participantes recibiran orientación laboral que lles servirá para enfrontarse ao mercado cunha formación precisa. O segundo dos módulos centrarase no autoemprego partindo da idea orixinal da persoa emprendedora ata chegar á posta en marcha da empresa ou cooperativa, con referencias específicas aos trámites burocráticos e administrativos, ás fontes de financiamento e ás axudas e subvencións existentes. As xornadas, de dezaseis horas de duración, están orientadas a mulleres en situación de desemprego, en busca activa de emprego e emprendedoras. Para participar é necesario inscribirse na oficina de servizos socias ou no teléfono 986 408043 antes do venres día 16.
A técnica do programa Clara falábanos da formación que recibirán as participantes nestas xornadas
