Hoxe é Sábado 31 de Outubro de 2020

A plataforma demanda a posta en marcha do Plan de transporte público anunciado polo Concello

RR_Noticias

A plataforma cidadá solicitará información ao Concello de Redondela e a Consellería de Política territorial sobre o plan de transporte público anunciado meses atrás dende a Concellería de urbanismo. O edil Emilio González Iglesias comprometera o investimento de 75.000€ para a posta marcha dun plan de transporte na área metropolitana de Vigo que permitiría reducir o prezo do billete en practicamente un 50%.

O convenio, asinado entre o Concello e a Xunta, tiña como obxectivo fundamental mellorar a mobilidade e accesibilidade no contorno da área metropolitana e, polo tanto, proporcionar aos cidadáns un mellor servizo público colectivo, competitivo e eficiente como alternativa ao transporte privado. Para acadar ese obxectivo a medida máis salientable era a redución no prezo dos billetes que deberían aboar os usuarios e que pasarían a custar 71 céntimos o que suporía unha rebaixa de case o 50% xa que o traxecto en autobús Vigo-Redondela custa a día de hoxe 1’40 céntimos. Nembargantes, logo de seis meses do anuncio aínda non se fixo efectivo nada de todo o anunciado polo que a plataforma ven de iniciar campaña de instancias dirixidas ao Alcalde e á Consellería nas que demanda a documentación precisa para que se coñeza o contido do plan anunciado naquela data, as razóns do seu retraso, e os prazos previstos para a súa verdadeira posta en marcha. Con esta acción, pretenden evitar que aquel anuncio quede “noutra mentira ou promesa incumprida dos nosos representantes políticos, e se acrediten as súas verdadeiras intencións”. Dende a Plataforma Cidadá Contra a Autovía entenden que o transporte público é a verdadeira solución ós problemas de mobilidade dos cidadáns fronte “ó despilfarro e os custes sociais e ambientais das grandes infraestruturas de transporte terrestre”.

Emilio González Iglesias
O edil falaba seis meses atras da aposta do concello de Redondela polo transporte público
Tino Míguez
A plattaforma solicita información a Concello e Consellería sobre os atrasos deste proxecto de transporte

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *