Hoxe é Venres 27 de Novembro de 2020

A oposición acusa ao concello de financiar con cartos públicos actividades contra a Xunta

RR_Noticias

A Concellería de Normalización porá a disposición dos veciños un autobús para achegarse á protesta convocada pola plataforma Queremos galego a pesar das críticas da oposición, quen acusan ao concello de financiar e promover actividades contra a Xunta de Galicia con cartos públicos

A Concellería de Normalización Lingüística de Redondela financiará un autobús para trasladarse o domingo día 18 de outubro á manifestación convocada pola plataforma Queremos Galego en Santiago de Compostela en defensa do idioma. Este departamento, en mans do BNG, non será a primeira vez que flete un autobús para acudir a unha mobilización a prol da lingua, unha iniciativa que foi duramente criticada dende as filas populares quen acusan aos nacionalistas e ao concello de “financiar con cartos públicos actividades políticas de asociacións privadas”. Acusan ao goberno local de actuar de xeito desleal co Xunta ao “promover protestas contra o actual goberno galego”. O voceiro do BNG, Carlos Pazos, lonxe de rectificar adiantou que a Concellería de Normalización continuará promovendo a defendendo todas aquelas accións encamiñadas a defender o idioma “o maior patrimonio do país” e acusou aos populares de “estar intentando eliminar o galego, algo polo que debería caerlles a cara de vergonza”

Alberto Pazos PP
Acusa ao Concello de gastar cartos en manifestacións contra a Xunta
Carlos Pazos BNG
os nacionalistas afirman que continuarán con medidas para defender a lingua dos ataques do PP

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *