O edil galeguista considera que a agrupación local saíu reforzada do congreso extraordinario o que lle permitirá traballar polos veciños.
O pasado sábado o Partido Galeguista pechaba o conflicto interno dos últimos oito meses coa celebración dun congreso extraordinario do que saía a nova directiva do partido. O vigués Luís Bóveda Canal converteuse no novo presidente mentres que Alejandro Bastos foi nomeado Vicepresidente. O edil considera que esta designación será moi positiva para Redondela, xa que os membros da agrupación local recibiron o apoio de todo o partido o que lle deu ánimos para seguir traballando despois de que durante oito meses a formación galeguista estivera sen rumbo pola ausencia do seu presidente. Bastos apunta a solución dos problemas xerados polas obras do AVE entre os veciños e a oposición á ampliación da AP-9 como dous dos piares básicos de traballo do seu partido nos vindeiros meses. O edil galeguista tamén apostou pola construcción dun polígono industrial na vila que lle permita aos redondeláns non ter que desprazarse ata Vigo ou concellos da contorna.
O edil do Partido Galeguista considera que o grupo local saíu reforzado no Congreso Extraordinario da formación o que beneficiará a Redondela.
Bastos afirma que o seu partido se centrará nos vindeiros meses en apoiar as reivindicacións dos afectados polas obras do AVE e pola ampliación da AP-9