Hoxe é Mércores 20 de Outubro de 2021
History
Stations
NOTHING FOUND!

Preocupación entre pescadores e ecoloxistas logo do vertido no Verdugo, Xunta e concellos afectados dan por normalizada a situación

RR_Noticias

A pesar da alta mortalidade de peixes rexistrada no río Verdugo o pasado domingo, logo de que un fallo da estación depuradora provocara que un coagulante acabase no leito do río, a administración autonómica da por solucionado o problema por entender que o produto vertido, o policloruro de aluminio “non é altamente contaminante”.

Tamén dende o Concello de Soutomaior desbotan a contaminación nos areais de arcade e nas praias fluviais de Soutomaior logo de recibir os resultados das análises e levantan a prohibición de bañarse nestes areais.
Pola contra, tanto os pescadores como os ecoloxistas mostrar a súa preocupación polo sucedido e polas repercusións que poida ter o verdido, Así, a Asociación de Naseiros Alvedosa expresou onte a súa preocupación e lamentou que logo de múltiples denuncias ante medio Ambiente e o Seprona se continúen a producir fugas polo mal funcionamento das depuradoras. No mesmo sentido se manifestaron dende a Plataforma Pola defensa do Río Verdugo, quen reclaman o deseño dun plan de recuperación da fauna e a flora na zona afectada polo vertido
Expediente
Augas de Galicia expedientará ao Concello de Ponte Caldelas polo fallo na EDAR, a pesar de que o alcalde, Perfecto Rodríguez, afirmou que este non se podía prever, xa que se produciu por desgaste ou polas vibracións da planta. O Concello verase obrigado a incrementar as medidas de control e alarmas da depuradora, construída no 2005, para que calquera avaría sexa alertada de forma inmediata. Tamén reestudiará a súa seguridade e instalará unha balsa para evitar fugas de coagulante.
O suceso produciuse o pasado sábado, sobre as 21.45 horas, ao romper unha peza que une o depósito do coagulante da planta depuradora coas bombas dosificadoras. A avaría provocou que unha cantidade non cuantificada de policloruro de aluminio, diluído ao 18%, acabase no leito ocasionando a morte da gran cantidade de peixes

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *