Hoxe é Martes 9 de Marzo de 2021

O BNG esixe responsabilidades polo accidente mortal do pasado xoves nas obras do AVE en Arcade

RR_Noticias

O deputado do BNG, Henrique Viéitez, ven de presentar unha iniciativa no Parlamento galego na que lle esixe á Xunta de Galiza que investigue e depure responsabilidades polo accidente laboral deste xoves no que morreu esmagado por un camión un traballador nas obras do túnel do AVE entre Arcade e Redondela

Viéitez denuncia que “sendo unha obra promovida pola Administración detéctase unha gran precariedade laboral e incumprimento das condicións laborais, como son xornadas de once horas, traballar os sábados e unha grande intensidade de persoas”.
Entende que accidentes como o desta semana responden á situación de risco na que se atopan os traballadores e lembra que a Administración ten a obriga de velar porque se cumpra a normativa en seguridade e saúde no traballo.
Neste sentido, o deputado nacionalista lembra que “partindo da base de que debe ser unha corresponsabilidade entre empresas, traballadores e administración, é a esta última á que lle corresponde poñer máis empeño en que se cumpra a lei en toda a súa extensión no referido á seguridade”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *