Co gallo da celebración do Día da Ilustración, data que se conmemora cada 30 de xaneiro por ser o día do aniversario do nacemento de Daniel Alfonso Rodríguez Castelao a Biblioteca de Chapela organiza este xoves ás 18:00 horas un obradoiro de ilustración pensado para nenos e nenas que teñan entre 6 e 12 anos de idades.
A persoa encargada de impartir esta actividade será a ilustradora Noa López. Para participar compre inscrición previa que debe facerse a través do teléfono 986-454-226 ou por correo electrónico: bibliotecachapela@redondela.gal.
