O Club Baloncesto Redondela convida á comunidade deportiva e familias a participar este luns 15 de decembro nunha charla gratuíta titulada “Mellora a túa alimentación, aumenta e teu rendemento”. A actividade, organizada polo propio club, terá lugar ás 19:15 no IES Mendiño.
O encargado de impartir a sesión será Alberto Núñez González, dietista-nutricionista colexiado e coñecido e redes como @nutricionatuplato, que abordará cuestións de gran interese para deportistas de todas as idades: alimentación antes e despois dos adestramentos, estratexias para unha mellor recuperación, como interpretar correctamente as etiquetas dos alimentos e moitos outros consellos prácticos. Ao final da exposición haberá tempo para resolver todas as dúbidas dos asistentes.
Desde o club destacan a importancia de coñecer os hábitos alimentarios para mellorar o rendemento deportivo e a saúde xeral, e animan a todos os xogadores, adestradores e pais a non perder esta oportunidade. A charla é de balde e non precisa de inscrición previa.
