O conservatorio e a escola de música do concello de Redondela celebrarán o tradicional concerto de fin de curso na praza da Casa da Torre hoxe xoves 3 de xullo as 20.00 h. Participarán o coro infantil e a orquestra de corda e banda interpretando dende pezas clásicas, ata bandas sonoras.
O departamento de música moderna da escola municipal de música será o encargado de pechar o acto interpretando estilos variados; dende romanzas de zarzuela ata música de Frank Sinatra ou Queen, coas voces de Alfonso Blanco, Beatriz Rodeiro, Gabriela Pardo, Alba Dominguez e Emma Díaz acompañados do combo de música da escola.
