A concelleira popular Teresa París entoa o “mea culpa” por non ter posto en marcha esta comisión con anterioridade, xa que a súa creación aprobouse por unanimidade de todos os grupos nun pleno celebrado en novembro de 2012 a petición do BNG. Xustificaba a non adhesións de Redondela ao Fondo Social de Vivendas do Estado “polos atrancos que presenta dito plan”.
A edil responsable de Servizos Sociais recoñecía “o noso erro” por non ter axilizado a creación de dita comisión na que deberían estar presentes responsables dos servizos sociais, portavoces municipais e plataformas contra os desafiuzamentos. Un asunto que se abordaba novamente na sesión de onte logo de que o PSOE presentase unha moción na que solicitaban tamén explicación de por que o concello de Redondela non se ten sumado a iniciativas como o Fondo Social de Vivenda do Estado ou ao Plan Reconduce da Xunta con obxectivo de facilitar unha vivenda a aquelas familias que teñan perdido a súa. Dende o BNG reiteraban unha vez máis a necesidade de poñer en marcha a comisión municipal por entender que é “dende a proximidade dende onde mellor se pode atender e solucionar os casos de familias que pasan pola difícil situación de ter perdido a súa vivenda pro impagos hipotecarios ou mesmo porque non poden afrontar o pago do aluguer. O voceiro de Aer, Alfonso blanco aproveitaba a súa intervención para preguntar por un proxecto municipal que contemplaba a posibilidade de converter as antigas vivendas dos mestres en vivendas sociais. Unha pregunta que quedou sen resposta.
Pide disculpas por non ter creado a comisión aprobada en pleno
Os oscialistas critican que non se teñan adoptado máis medidas dende o goberno local en torno aos desafiuzamentos
Ao entender do Bloque unha comisión municipal por proximidade aos veciños sería o máis útil
Interésase por un proxecto de vivendas sociais nas antigas vivendas dos mestres
