O centro cultural de Cedeira acollerá o vindeiro domingo 4 de outubro a XXXIV edición da súa Marcha Ciclista á parroquia de Cedeira, unha actividade deportiva e de carácter popular que reunirá aos afeccionados á bicicleta da contorna.
A xornada comezará ás 10.00 horas, momento previsto para as inscricións no Centro Cultural de Cedeira. A saída da marcha está programada para as 10.30 horas desde o mesmo lugar.
A organización establece como requisito obrigatorio o uso do casco durante a actividade. Ademais, ao remate da marcha realizarase un sorteo de bicicletas entre os participantes. Para poder optar aos agasallos será necesario estar presente nas instalacións do Centro Cultural de Cedeira no momento do sorteo.
A iniciativa conta coa colaboración do Concello de Redondela, a Deputación de Pontevedra e a Comunidade de Montes de Cedeira, ademais do apoio de numerosos establecementos e empresas da contorna.
Máis información no teléfono 986 40 39 75.
